Անկասկած, քաղցկեղը սարսափելի հիվանդություն է: Սակայն,
ուսումնասիրողների խոսքով, շատ մահերից հնարավոր կլիներ
խուսափել, եթե չլինեին հիվանդության այլ մեղավորներ: Խոսքը
ալկոհոլի մասին է: Որոշ տվյալների համաձայն՝ քաղցկեղից
մահացության 4%-ը տեղի է ունենում ալկոհոլի պատճառով: Դա
տարեկան տասնյակ հազարավոր մարդ է կազմում: Միջինը մարդիկ
կորցնում են իրենց կյանքից 18 տարի: Բոստոնի համալսարանի
ուսումնասիրողները կարծում են, որ նախկինում ալկոհոլի քայքայիչ
ազդեցությունը թերագնահատվում էր:
Այժմ հայտնի է դարձել, որ այն հրահրում է քաղցկեղի բջիջների աճ:
Այդ պատճառով էլ մարդիկ պետք է հասկանան, որ քաղցկեղը խմելու
պատճառ չէ, քանի որ այն ավելի կկրճատի կյանքի տևողությունը:
Ալկոհոլը բերանի խոռոչի և կոկորդի, մարսողության համակարգի, լյարդի, հաստ աղիքի, ուղիղ աղիքի և
կրծքագեղձի քաղցկեղի հայտնի գործոն է: Հետազոտության արդյունքները ցույց են տվել, որ միայն ԱՄՆ-ում
քաղցկեղի այս տեսակներից մեկ տարում 20 հազար մարդ է մահացել:
Մինչ այժմ գիտնականները չեն կարողանում հասկանալ, թե ինչու է ալկոհոլը խթանում քաղցկեղի
առաջացումը: Տեսակետներից մեկի համաձայն՝ պատճառը ԴՆԹ-ի վնասումն է: Եվ այն մարդիկ, ովքեր արդեն
հիվանդ են քաղցկեղով, չպետք է ալկոհոլի նույնիսկ քիչ չափաբաժին օգտագործեն:
| 